Azərbaycan millisinin sabiq futbolçusu Rauf Əliyev məşqçiliyə başlamaq qərarına gəlib. Bu barədə Report 27 fevral tarixində məlumat verib.
34 yaşlı keçmiş hücumçu bildirib ki, növbəti B kateqoriyalı məşqçi kursu üçün müraciət edəcək. Əliyev məşqçi kimi gələcəyini uşaq futbolunda görmədiyini sözlərinə əlavə edib:
“Açığı, uşaqlarla işləmək istəmirəm. Gələcəkdə əsas komandalardan birində çalışmağı planlaşdırıram”.
Son klubu “Kəpəz” olan Rauf Əliyev qış fasiləsində karyerasını başa vurduğunu açıqlayıb. O, 2010-2018-ci illərdə Azərbaycan millisinin heyətində 46 oyun keçirib, 7 qola imza atıb.
