Bakı-Naxçıvan sərnişin avtobusunun sürücüsü olan İran vətəndaşı narkotik maddənin təsiri altında nəqliyyat vasitəsini idarə etdiyi üçün saxlanılıb. Bu barədə 1 aprel tarixində Report məlumat verib.
Belə ki, Naxçıvan Şəhər Polis İdarəsinin əməkdaşlarının keçirdikləri növbəti əməliyyat tədbirləri nəticəsində Bakı-Naxçıvan sərnişin avtobusunun sürücüsü, İran vətəndaşı Arjmand Ramez Azim oğlunun narkotik vasitələrin təsiri altında avtobusu idarə etdiyi müəyyən edilib.
Saxlanılan İran İslam Respublikası vətəndaşı Arjmand Ramez Azim oğlu Azərbaycan Respublikası İnzibati Xətalar Məcəlləsinin 206-cı maddəsi ilə məsuliyyətə cəlb edilərək inzibati həbs edilib.
