Bu il yağıntıların miqdarının illik normadan az olması Naxçıvan ərazisindəki çaylarda və digər sututarlarda doluluğun aşağı düşməsinə səbəb olub. Bu barədə Report 18 fevral tarixində məlumat verib.
Problem yarımquraqlıq zonalarda özünü daha qabarıq göstərir.
Mütəxəssislər muxtar respublikanın gursululuq proqnozunu dəqiqləşdirmək məqsədilə Batabat yaylasında və digər ərazilərdə proqnozlaşdırma işləri aparır, muxtar respublikanın su ehtiyatlarını qiymətləndirirlər.
Milli Hidrometeorologiya Xidməti Batabat yaylasında Naxçıvan Muxtar Respublikası Ekologiya və Təbii Sərvətlər Nazirliyinin mütəxəssisləri ilə birgə qarölçmə işlərini həyata keçirib. Həmçinin mütəxəssislər müasir cihaz vasitəsilə Naxçıvançayın su sərfini ölçüblər.
Daha sonra ekoloji ekspertiza ilə də bağlı ətraflı məlumat verilib.
Milli Hidrometeorologiya Xidmətinin əməkdaşları və Naxçıvan Ekologiya və Təbii Sərvətlər Nazirliyinin mütəxəssisləri tərəfindən muxtar respublika ərazisindəki digər çay və sututarlarda yoxlamaların aparılması davam etdirilir.
