Naxçıvanda çörəyin qiyməti çəkisi və keyfiyyətinə uyğun gəlmir. Bu barədə İnsanoid Naxçıvan Tv-yə istinadən bu gün, 14 yanvar tarixində xəbər verir.
Azərbaycan adambaşı çörək istehlakına görə dünyada yüksək göstəriciyə sahibdir. Azərbaycan vətəndaşı il ərzində təqribən 130 kiloqram çörək istifadə edir. Naxçıvan əhalisi də şəhər ərazisində satılan çörəyin qiymətindən, çəkisindən və keyfiyyətindən narazıdır.
Bakıda 500-650 qramlıq çörəklərin qiyməti 50-70 qəpik, Naxçıvanda isə 300 qramlıq çörəyin qiyməti bir manatdır.
Sakinlər çörəyin içinin tam bişmədiyini və keyfiyyətinin aşağı olduğunu bildiriblər:
“Axşam alınan çörəyi səhər yemək mümkün olmur. Keyfiyyəti isə ağlınıza belə gətirməyin”.
Məsələ ilə bağlı “Taxıl Məhsulları Sənaye Kompleksi” MMC və “Bərəkət Qida Məhsulları” MMC-nin çörək istehsalı müəsissələri açıqlama verməkdən boyun qaçırıblar.
[caption id="attachment_101487" align="alignnone" width="640"]
Foto Naxçıvan Tv-nin rəsmi Youtube kanalı[/caption]
