Dünya Azərbaycanlılarının Həmrəyliyi Günü və Yeni il bayramı ərəfəsində Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli şəhid ailəsi və qazilərlə görüşüb. Bu haqda 30 dekabr tarixində APA məlumat verib.
Görüşdə İkinci Qarabağ müharibəsi şəhidinin ailəsinə və 5 qaziyə yeni mənzil, 11 qaziyə və Çernobıl Atom Elektrik Stansiyasında baş vermiş qəzanın aradan qaldırılması zamanı sağlamlıq imkanlarını qismən itirmiş 1 nəfərə avtomobillər təqdim olunub.
Şəhid ailələsinə və qazilərə verilən 2 və 3 otaqlı mənzillər Kəngərli rayonunun Qıvraq qəsəbəsində, eləcə də Culfa və Naxçıvan şəhərlərindəki yaşayış binalarında yerləşir. Tam təmirli mənzillər mebel dəstləri və lazımi kommunal şəraitlə təmin olunub.
[caption id="attachment_99902" align="alignnone" width="640"]
Foto apa.az saytı[/caption]
