AFFA İntizam Komitəsi "Neftçi" klubunu 4 000 manat məbləğində cərimələyib. Bu barədə İnsanoid Peşəkar Futbol Liqasının Mətbuat Xidmətinə istinadən bu gün, 23 fevral tarixində xəbər verir.
"Ağ-qaralar"ın azarkeşlərinin "Səbail"ə (3:0) qalib gəldikləri Premyer Liqanın 23-cü tur matçında kütləvi şəkildə təhqiramiz ifadələr işlətməsi klubun cərimələnməsinə səbəb olub.
Qarşılaşmadan əvvəl meydançanın vaxtında sulanmamasına görə "Neftçi"yə xəbərdarlıq da edilib.
"Səbail"ə isə 400 manat məbləğində cərimə kəsilib. "Dənizçilər"in dörd oyunçusu sözügedən görüşdə sarı vərəqə ilə cəzalanıb.
Komitə "Kəpəz" klubuna da xəbərdarlıq edib. Gəncə təmsilçisinin topdaşıyanları "Şamaxı"nı 3:2 hesabı ilə yendikləri oyunda topları futbolçulara ötürərkən vaxtı uzadıblar.
