“Krasnodar”ın yarımmüdafiəçisi Kadi Borges Rusiya Premyer Liqasının 24-cü turunun “Spartak”la oyununda zədələnib. Bu barədə İnsanoid bu gün, 25 aprel tarixində xəbər verir.
İkinci hissənin əvvəlində o, top uğrunda mübarizə zamanı “Spartak”ın müdafiəçisi Georgi Cikia ilə toqquşub. Kadi başını rəqibin çiyninə vuraraq qazona yıxılıb.
Bir neçə saniyə huşunu itirən futbolçunun dilini udmaması üçün ona ilkin tibbi yardımı Cikia özü göstərib.
Bundan sonra Borges özünə gəlib, lakin görüşü davam etdirə bilməyib. Onu sahədən xərəklə elektromobildə aparıblar.
27 yaşlı braziliyalı futbolçu 2021-2023-cü illərdə “Qarabağ”ın formasını geyinib.
