Qızılağac Dövlət Təbiət Qoruğuna direktor təyin olunub. Bu haqda məlumatı Cenublu.az 27 fevral tarixində verib.
Belə ki, Hirkan Milli Parkının direktoru Aqil Sucayev Qızılağac Dövlət Qoruğuna direktor təyin olunub.
Aqil Qulam oğlu Sucayev Lerik şəhərində anadan olub. Lerik rayon Mədəniyyət və Turizm şöbəsinin müdiri (2011-2016), Lənkəran Regional Mədəniyyət İdarəsinin baş məsləhətçisi (2017-2019) vəzifələrində çalışıb. 2019-cu ildən Lənkəran Regional Mədəniyyət İdarəsinin rəis müavini, daha sonra - 2021-ci ildən Hirkan Milli Parkının direktoru olub. Aqil Sucayev Milli Məclisin keçmiş deputatı Hüseynbala Mirələmovun bacısı oğludur.
Qeyd edək ki, 88.4 min hektar ərazisi olan Təbiət Qoruğu Lənkəran və Neftçala ərazilərini əhatə edir.
