Azərbaycanın rəqəmsal inkişaf və nəqliyyat naziri Rəşad Nəbiyevin Gürcüstana işgüzar səfəri başlayıb. Bu haqda aprelin 4-də nazirlik məlumat yayıb.
O, Axalkələk stansiyasında Bakı - Tbilisi - Qars yeni dəmir yolu xətti layihəsi üzrə görülmüş işlərlə tanış olub. Nazir iki günlük səfər çərçivəsində Baş nazir İrakli Qaribaşvili və iqtisadiyyat və davamlı inkişaf naziri Levan Davitaşvili ilə görüşəcək.
Bakı - Tbilisi - Qars 30 oktyabr 2017-ci ildə istismara verilmiş dəmiryolu layihəsidir. 2021-ci ilin son 11 ayı ərzində sözügedən dəmir yolu ilə 21 minə yaxın konteyner göndərilib. Ümumilikdə isə indiyədək həmin marşrutla 1 milyon tondan çox yük daşınıb.
