Bu gün və sabah Azərbaycanda Ramazan bayramıdır. Bu bayram Azərbaycanda 1992-ci ildən dövlət səviyyəsində qeyd edilir.
İslamda Ramazan ayı ən müqəddəs aylardan biri hesab edilir. Ramazan bayramı hicri təqviminin 2-ci (622-ci il) ilindən qeyd olunmağa başlayıb.
Ramazan ayında insanlar Allah qarşısında oruc tutaraq öz iradələrini, dözümünü yoxlamaq imkanı qazanırlar, təmiz vicdanlı olmağa yönəlirlər. Orucluq Ramazan ayında təzə ay çıxandan başlanır və 29-30 gün davam edir. Orucluğun tarixi hicrinin 2-ci ilində Məhəmməd Peyğəmbər tərəfindən Mədinədə bu məqsədlə ramazan ayı təyin ediləndən sonra başlayır. Ramazan ayının axırıncı 10 gecəsinin birində Quran hədiyyə edilib.
