"Qafqazinfo"nun verdiyi məlumata görə, meyxanaçının bıçaqladığı 1979-cu il təvəllüdlü İsgəndər Mehdiyev xeyli vaxt həbsxanada imiş və azadlığa yeni çıxıbmış.
Hadisəyə isə İsgəndərin Rəşad Dağlının arxasıyca söyüş söyməsi səbəb olub.
Belə ki, Rəşad Dağlı İsgəndərlə məsələyə aydınlıq gətirmək üçün onu görüşə çağırıb və bu gün səhər saat 05 radələrində hər iki şəxs yaşadıqları Lökbatan qəsəbəsində görüşüblər.
Baku TV-nin məlumatına görə, öldürülən şəxs meyxanaçı Ələkbər Yasamallının qohumudur.
Oxu.az-ın veridiyi məlumata görə, qətlə yetirilən İskəndər Mehtiyev "külli miqdarda narkotik vasitələrin qanunsuz dövriyyəsi" maddəsi ilə uzun müddət həbsdə olub.
O, təxminən 15 gün əvvəl cəzasını başa vuraraq azadlığa buraxılıb.
***
09:11
Meyxanaçı Rəşad Dağlı kimi tanınan Rəşad Əmirov Bakının Qaradağ rayonunda qətl törədib. Bu barədə 9 noyabr tarixində Report məlumat verib.
Belə ki, 1984-cü il təvəllüdlü R.Əmirov İsgəndər adlı şəxsi (soyadı dəqiqləşdirilir - red) bıçaqla öldürüb.
R.Əmirov şübhəli şəxs qismində saxlanılıb.
Faktla bağlı araşdırma aparılır.
