Ukraynada Rusiya hərbçilərinin girovluğunda olan azərbaycanlı tələbə Hüseyn Abdullayev martın 25-də atasına zəng edib. Bu barədə Report xəbər paylaşıb.
Tələbənin atası Amin Abdullayevin sözlərinə görə, Hüseyn yaxşı olduğunu söyləyib. Onu saxlayan adamlar isə Hüseynlə normal davrandıqlarını, lakin yerini deyə bilmədiklərini əlavə ediblər.
Neftçala rayonundan olan 20 yaşlı gəncin valideynləri onun azad olunması üçün rəsmi qurumlara üz tutublar.
H.Abdullayev Mariupol Universitetində 3-cü kursda təhsil alırdı. O, martın 19-da sığınacaqdan çıxaraq şəhəri tərk etmək istəyib, lakin maskalı hərbçilər tərəfindən girov götürülüb.
