Bakıda və Abşeron yarımadasında aprelin 19-da hava şəraitinin dəyişkən buludlu olacağı, arabir tutulacağı, yağmursuz keçəcəyi gözlənilir. Bu barədə İnsanoid bu gün, 18 aprel tarixində xəbər verir.
Milli Hidrometeorologiya Xidmətindən verilən məlumata görə, əsasən, səhər və axşam bəzi yerlərdə duman olacağı ehtimalı var.
Mülayim cənub-şərq küləyi günün birinci yarısında arabir güclənəcək.
Havanın temperaturu gecə 8-12° isti, gündüz 13-18°, bəzi yerlərdə 20° isti olacaq.
Azərbaycanın rayonlarında sabah hava, əsasən, yağmursuz keçəcək. Lakin gündüz bəzi dağlıq rayonlarda arabir yağıntılı olacağı ehtimalı var. Bəzi yerlərdə arabir duman olacaq. Şərq küləyi bəzi şərq rayonlarında arabir güclənəcək.
Havanın temperaturu gecə 6-11° isti, gündüz 16-21°, bəzi yerlərdə 23-25° isti, dağlarda gecə 0-5° isti, gündüz 7-12°, bəzi yerlərdə 16° isti olacaq.
