Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən, yağmursuz keçəcəyi gözlənilir. Şimal-qərb küləyinin güclənəcəyi gözlənilir. Bu barədə 13 mart tarixində Milli Hidrometeorologiya Xidməti məlumat verib.
Havanın temperaturu gecə 6-8° isti, gündüz 11°-dək isti olacaq.
Azərbaycanın rayonlarında hava, əsasən, yağmursuz keçəcək. Lakin gündüz bəzi şərq rayonlarında az yağış yağacağı ehtimalı var. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 6-10°, gündüz 15-20° isti, dağlarda gecə 0-5°, gündüz 8-13° isti olacaq.
