26-27 mart tarixlərində paytaxtın bəzi küçə və prospektlərində təmir işləri aparılacaq. Bu barədə Azərbaycan Avtomobil Yolları Dövlət Agentliyi məlumat yayıb.
- Ziya Bünyadov prospekti ("Santral" mağazasının qarşısı);
- Rəşid Behbudov küçəsi (Mərkəzi Bankın qarşısı);
- Abdülvahab Salamzadə küçəsi ("Qələbə dairəsi"ndən tunelin giriş hissəsinə qədər);
- Yasamal rayonu, Mikayıl Müşfiq küçəsi ("Qurd qapısı"ndan İzzət Nəbiyev küçəsinə qədər olan hissə);
- Tbilisi prospekti yan yol (Pişəvəri küçəsindən "20 Yanvar dairəsi" nə qədər olan hissə);
- "Koroğlu" körpüsünün üstü (Heydər Əliyev prospektindən Mikayıl Əliyev küçəsi istiqamətində).
Aparılacaq təmir işləri ilə əlaqədar, qeyd olunan ərazilərdə hərəkət qismən məhdudlaşdırılacaq. Bu üzdən sürücülərdən sözügedən küçə və prospektlərdə hərəkətdə olarkən diqqətli olmaları və yol hərəkəti qaydalarına riayət etmələri xahiş olunur.
