Futbol üzrə Azərbaycan Premyer Liqasında 20-ci tura yekun vurulub. Bu barədə Report 1 fevral tarixində məlumat verib.
Günün ilk oyununda "Qəbələ" "Sabah"ı qəbul edib. Qəbələ şəhər stadionundakı qarşılaşma paytaxt təmsilçisinin 3:0 hesablı qələbəsi ilə yekunlaşıb.
“Sabah”ın qollarını 60-cı dəqiqədə Davit Volkov, 70-ci dəqiqədə Con İrasabal, 89-cu dəqiqədə Coy Lens Mikels vurub.
Meydan sahiblərinin heyətində Ruan Renato 28-ci dəqiqədə birbaşa qırmızı vərəqə alaraq meydandan qovulub.
Bu nəticədən sonra xallarının sayını 49-a çatdıran "Sabah" ikinci pillədə qərarlaşıb. 26 xala malik "Qəbələ" 5-ci sıradadır.
