Sabirabadda yol qəzası zamanı iki nəfər xəsarət alıb. Bu barədə İnsanoid Report-a istinadən bu gün, 12 yanvar tarixində xəbər verir.
Hadisə Hacıqabul-Horadiz magistral yolunun Nərimankənd kənd ərazisindən keçən hissəsində qeydə alınıb. Hərəkətdə olan “Mercedes” və “Toyota” markalı avtomobillər toqquşub. Qəza nəticəsində Bakı şəhər sakinləri, 57 yaşlı Nailə Abbasova və 29 yaşlı Könül Abbasova müxtəlif dərəcəli xəsarətlər alıblar. Yaralılar rayon xəstəxanasına çatdırılıblar.
Faktla bağlı araşdırma aparılır.
