Biləsuvar, Neftçala və Cəlilabad rayonlarında təbii qazın verilişi bərpa olunub. Bu barədə 16 dekabr tarixində “Azəriqaz” İB məlumat verib.
Dekabrın 16-da, günün ikinci yarısından etibarən adıçəkilən rayonların qaz təchizatı tam olaraq bərpa edilib, Cəlilabad rayonunun isə bir hissəsi qazla təchiz olunub.
Qazın verilişində fasilə “Qaz İxrac” İdarəsinə məxsus diametri 1220 mm-lik “Astara-Qazıməmməd” yüksək təzyiqli magistral qaz kəmərində baş vermiş qəzanın bərpası ilə bağlı idi.
