Samuxda 37 yaşlı kişi bıçaqlanıb. Bu barədə İnsanoid noyabrın 19-da Report-a istinadən xəbər verir.
Belə ki, 1985-ci il təvəllüdlü Elçin Qurbanov mübahisə zəminində 2 bıçaq xəsarəti alıb. O, Gəncə şəhərində yerləşən xəstəxanaların birinə yerləşdirilib, vəziyyəti orta ağır qiymətləndirilir.
Cinayəti törətməkdə şübhəli bilinən Şəmkir rayon sakini B.Məmmədov saxlanılıb. Faktla bağlı araşdırmalar davam etdirilir.
Qeyd edək ki, bıçaq xəsarəti alan E.Qurbanov Samux rayonunda fermada mal-qaraya nəzarət edən şəxs olub. Hadisəni törətməkdə şübhəli bilinən də onunla bərabər həmin fermada çalışanlardan biridir.
