Şərur rayonunda ağır yol-nəqliyyat hadisəsi baş verib, yeniyetmə ölüb. Bu barədə İnsanoid APA-ya istinadən bu gün, 22 iyun tarixində xəbər verir.
Hadisə gecə saatlarında rayonun Yuxarı Aralıq kəndində baş verib.
"VAZ 2106" markalı avtomobillə "Mercedes" markalı avtomobilin toqquşması nəticəsində Yuxarı Aralıq kəndinin 17 yaşlı sakini Nihat Hüseynov ölüb. "VAZ 2106" markalı avtomobildə olan digər iki yeniyetmə - Şərur rayon Vərməziyar kəndinin 19 yaşlı sakini Səbuhi Əsquliyev və Yuxarı Aralıq kəndinin 17 yaşlı sakini Rza Əliyev xəsarət alıblar.
Onlar Naxçıvan Muxtar Respublika Xəstəxanasına yerləşdiriliblər, vəziyyətləri orta ağırdır.
Faktla bağlı araşdırma aparılır.
