Bakıda sevgilisinə qarşı yarım milyon manata yaxın dələduzluq etməkdə təqsirləndirilən Sevinc Bədəlova məhkəmə zalında həbs edilib. Bu barədə noyabrın 16-da APA xəbər yayıb.
Proses Bakı Ağır Cinayətlər Məhkəməsində keçirilib. O, 6 il 6 ay müddətinə azadlıqdan məhrum edilib.
İş üzrə cinayətkarın 3-4 il münasibətdə olduğu Adəm Mirzəyev zərərçəkmiş qismində iştirak edib. İttihama əsasən, qadın ona Latviyada qardaşının vəfat etdiyini, ondan külli miqdarda əmlak qaldığını deyib.
S.Bədəlova həmin əmlakları adına keçirərək biznes qurmağı təklif edib. Bu məqsədlə də o, 2016-2019-cu illər ərzində zərərçəkmişdən 434 min manat pul alıb.
