Şirvanda vətəndaşa qarşı soyğunçuluq edən şəxs saxlanılıb. Bu barədə 1 iyul tarixində Daxili İşlər Nazirliyi İnsanoid-ə məlumat verib.
Şəhər sakini olan bir nəfərə qarşı soyğunçuluq edərək onun pulunu ələ keçirən şəxs saxlanılıb. Araşdırmalarla həmin şəxsin əvvəllər məhkum olunmuş şəhər sakini Vüsal Fərəcov olduğu müəyyən edilib.
Aparılan araşdırmalar zamanı məlum olub ki, adıçəkilən şəxs toy məclisindən çıxan zərərçəkənin içkili vəziyyətdə olmağından istifadə edərək ona qarşı soyğunçuluq edib və həmin ərazidən uzaqlaşıb.
Faktla bağlı cinayət işi başlanılıb, V.Fərəcov barəsində şəhər məhkəməsinin qərarı ilə həbs qətimkan tədbiri seçilib. Araşdırmalar davam etdirilir.
