İsmayıllı rayonunda 6 otaqlı ev yanıb. Bu haqda aprelin 6-da APA məlumat yayıb.
İnsident bu gün saat 16:00 radələrində baş verib. Qoşakənd kənd sakininə məxsus ümumi sahəsi 120 kvadratmetr olan ev, içərisindəki əşyalar və yaxınlıqdakı tövlə yanğına məruz qalıb.
Hadisə zamanı xəsarət alan olmayıb. Faktla bağlı araşdırma aparılır.
Ötən il Azərbaycanda 14 503 yanğın qeydə alınıb. Vəfat edənlərin sayı 38, yaralananların sayı isə 129 nəfər təşkil edib.
