1 mart 2022-ci il tarixinə qədər “Ümid” qaz və kondensat yatağından 5,4 milyard kubmetr qaz və 856,1 min ton kondensat hasil edilib. Bu barədə 1 aprel tarixində SOCAR-ın rəsmi Twitter səhifəsində məlumat verilib.
Məlumata əsasən, sözügedən yatağın təsdiqlənmiş qaz ehtiyatları 200 milyard kubmetr, kondensat ehtiyatları isə 40 milyon ton təşkil edir. 2022-ci ildə yataqdan 1,3 milyard kubmetr qaz və 194 min ton kondensat hasilatı planlaşdırılır.
Qeyd edək ki, “Ümid” yatağı 2012-ci ildə istismara verilib.
