Son dörd ayda Kəlbəcər və Laçında 2 728 mina aşkarlanıb. Bu barədə noyabrın 24-də Xarici İşlər Nazirliyindən bildirilib.
Bu ilin avqust ayından etibarən sözügedən minalardan 1 119-u Azərbaycan-Ermənistan arasındakı sərhədin Kəlbəcər və Laçın sahəsində, 1609-u isə Qarabağ iqtisadi rayonu ərazisində aşkarlanaraq zərərsizləşdirilib.
Xatırladaq ki, 2020-ci il Vətən müharibəsinin başa çatmasından etibarən bu günədək 268 vətəndaşımız mina partlayışından zərər çəkib. Onlardan 3 nəfəri jurnalist olmaqla 45 nəfər həlak olub. Həlak olan 45 nəfərdən 35 nəfər mülki şəxsdir.
