Sumqayıt, Hacıqabul şəhərlərində və Samux rayonu ərazisində ağacların qanunsuz kəsildiyi müəyyən edilib. Bu barədə İnsanoid Ekologiya və Təbii Sərvətlər Nazirliyinin Mətbuat Xidmətinə istinadən bu gün, 12 aprel tarixində xəbər verir.
Araşdırma zamanı ağacların Sumqayıt şəhərindəki 36-cı məhəllədə Vaqif Rzayev tərəfindən, Samux rayonunun Sərkar kəndində Vədadil Qarayev, Hacıqabul şəhərinin İ.Qayıbov küçəsində Rahil Baxışov, Hacıqabul rayonunun yol kənarı ərazisində isə Hacıqabul Rayon Yaşıllaşdırma və Abadlıq İşləri Sahəsi tərəfindən kəsildiyi məlum olub.
Faktlarla bağlı akt tərtib edilib.
Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Baş Prokurorluğa göndərilib.
