Sumqayıt şəhəri zəlzələ zonasına 4 konteyner və 16 tona yaxın humanitar yardım yola salıb. Bu barədə Report 13 fevral tarixində məlumat verib.
Şəhərin müxtəlif yerlərində yardımlar üçün xüsusi məntəqələr yaradılıb.
Sumqayıtlıların yardım məntəqələrinə axını zəlzələ baş verən gündən indiyə qədər dayanmır.
Vətəndaşlar tərəfindən könüllü şəkildə gətirilən yataq dəstləri, isti geyimlər, uşaq bezləri, təmizlik ləvazimatları, konservləşdirilmiş qidalar, zəruri quru ərzaqlar, tibbi ləvazimatlar, eləcə də digər zəruri yardımlar təyin olunmuş məntəqələrdə çeşidlənib və qablaşdırılıb.
Sumqayıt şəhəri tərəfindən insanların müvəqqəti yaşaması üçün 22 ədəd konteyner evlərin zəlzələdən zərər çəkmiş bölgələrə göndərilməsi nəzərdə tutulur. Bu gün həmin konteyner evlərdən ilkin olaraq 4 ədədi və 230 min AZN dəyərində olan 16 tona yaxın humanitar yardım Sumqayıtdan birbaşa Türkiyəyə yola salınıb. Sumqayıt şəhərində hazırda da humanitar yardım kampaniyası davam edir.
Qarşıdakı günlərdə Sumqayıt şəhərindən 500 min manata yaxın, ümumi çəkisi 75 ton olan 11 TIR humanitar yardımın göndərilməsi nəzərdə tutulur.
[caption id="attachment_105349" align="alignnone" width="640"]
Foto Report.az saytı[/caption]
