Dünən, martın 31-də Suriyanın Cerablus şəhərindəki düşərgədə saxlanılan 7 Azərbaycan vətəndaşı repatriasiya edilib. Bu barədə Xarici İşlər Nazirliyi məlumat yayıb.
Öncə həmin vətəndaşların yeri, şəxsiyyəti və Azərbaycan vətəndaşlığına mənsubiyyəti müəyyən edilib. Daha sonra onların Türkiyəyə keçidi təmin olunub.
Türkiyədə repatriantların ilkin tibbi və psixoloji müayinəsi həyata keçirilib və onlara zəruri yardım göstərilib. 31 mart tarixində isə qeyd olunan vətəndaşların Ankara-Bakı reysi ilə Azərbaycana repatriasiyası həyata keçirilib.
