Suriyada yerləşən düşərgələrdə saxlanılan 16 nəfər Azərbaycan vətəndaşı ölkəmizə gətirilib. Bu barədə İnsanoid noyabrın 25-də Xarici İşlər Nazirliyinə istinadən xəbər verir.
13 nəfəri uşaq və 3 nəfəri qadın olan repatriantların ölkəmizə gətirilməsi mərhələli və koordinasiyalı tədbirlər nəticəsində baş tutub. Onların yeri, şəxsiyyəti və Azərbaycan Respublikası vətəndaşlığına mənsubiyyəti müəyyən edildikdən sonra Türkiyə ərazisindən tranzit keçərək ölkəyə gəliblər.
Repatriantların ilkin tibbi və psixoloji müayinəsinin həyata keçirilməsi təmin edilib.
Qeyd edək ki, bu günədək İraq və Suriyadan 380 uşaq və 29 qadın olmaqla cəmi 409 nəfər vətəndaşımızın Azərbaycana repatriasiyası həyata keçirilib.
