Bakının mərkəzi prospektində asfalt örtüyü dəyişdirilir, bununla əlaqədar yol polisi sürücülərə müraciət edib.
Bu barədə 25 fevral tarixində Report məlumat verib.
"Paytaxtın Neftçilər prospekti boyunca, Əziz Əliyev küçəsi ilə kəsişmədən Bülbül küçəsi ilə kəsişməsinədək asfalt örtüyünün dəyişdirilməsi məqsədilə təmir-bərpa işləri aparılır. Bunu nəzərə alaraq, sürücülərdən fevralın 25-26-da həmin ərazilərdə şəxsi avtomobillərindən mümkün qədər az istifadə etməyi xahiş edirik", - Bakı Şəhər Dövlət Yol Polisi (DYP) İdarəsinin baş inspektoru, polis mayoru Araz Əsgərli bildirib.
