Azərbaycan Avtomobil Yolları Dövlət Agentliyi işğaldan azad edilmiş ərazilərə doğru istiqaməti və məsafəni bildirən məlumatverici lövhələrin quraşdırılması ilə bağlı növbəti layihəyə start verib.
Ölkənin bütün giriş qapılarından başlayan yollara Şuşa şəhərinə qədər məsafəni bildirən məlumatverici lövhələr quraşdırılır. Məqsəd Azərbaycana gələnlərə işğaldan azad edilmiş əraziləri tanıtmaqdır.
Məlumatverici lövhələr ilkin mərhələdə Bakı–Quba–Rusiya, Bakı-Qazax-Gürcüstanla və Ələt-Astara-İranla dövlət sərhədi avtomobil yolunun sərhəd keçid məntəqələri hissəsində olan magistral avtomobil yollarında quraşdırılıb.
