Ankarada Zəfər Gününə həsr olunmuş “Qarabağ Zəfəri Konfransı: Azadlığa Qovuşan Əzəli Vətən” adlı tədbir keçirilib. Bu barədə noyabrın 8-də APA xəbər yayıb.
Tədbirdə Türkiyə Prezident Administrasiyasının Kommunikasiya İdarəsinin rəisi Fahrettin Altun çıxış edib. Onun sözlərinə görə, siyasi, hərbi sahələrdə dəstəklə yanaşı, Türkiyə informasiya müharibəsində də Azərbaycanın yanında olub.
“Liderlərimiz “Bir millət, iki dövlət” şüarı ilə çiyin-çiyinə durub. Qarabağ Zəfəri Azərbaycan və Türkiyə başda olmaqla bütün türk dünyasının dostluq və qardaşlığının nişanəsi olub”, - deyə qonşu ölkənin rəsmisi vurğulayıb.
Eyni zamanda tədbir çərçivəsində Birinci Qarabağ və Vətən müharibələrinə dair videoçarx nümayiş olunub.
