Bakının Nəsimi rayonunda narkotik vasitələrin satışını təşkil edən və üzərində qanunsuz olaraq “Makarov” gəzdirən 6 nəfər saxlanılıb. Bu barədə İnsanoid Daxili İşlər Nazirliyinin (DİN) Mətbuat Xidmətinə istinadən bu gün, 10 aprel tarixində xəbər verir.
Narkotik vasitələrin satışını təşkil edən 5 nəfər – Elşən Hüseynov, Natiq Qasımov, Taleh Fərziyev, Vaqif Əliyev və Sərxan Ağayev saxlanılıb. Həmin şəxslərdən 1 kiloqrama yaxın heroin və metamfetamin aşkar edilib.
Saxlanılan şəxslər narkotik vasitələri sosial şəbəkələrdə tanış olduqları İran vətəndaşlarından onlayn yolla satmaq məqsədilə əldə etdiklərini və narkokuryerliyə cəlb olunduqlarını bildiriblər.
Nəsimi Rayon Polis İdarəsinin 20-ci Polis Bölməsinin əməkdaşları üzərində qanunsuz olaraq odlu silah-sursat saxlayan paytaxt sakini Adil Musayevi tutaraq istintaqa təqdim ediblər. Onun üzərinə baxış keçirilən zaman 1 ədəd “Makarov” markalı tapança, 1 ədəd daraq və 8 ədəd patron aşkar edilib. Adil Musayev odlu silah-sursatı bir müddət əvvəl əldə etdiyini, lakin polisə təhvil verməyərək satmaq məqsədilə özündə saxladığını bildirib.
Qeyd edilən faktlarla bağlı Nəsimi Rayon Polis İdarəsində araşdırmalar davam etdirilir.
[caption id="attachment_111956" align="alignnone" width="696"]
Foto DİN[/caption]
