Xızı rayonunda avtomobil velosipedçini vuraraq öldürüb. Bu barədə 15 dekabr tarixində Report məlumat verib.
Hadisə dekabrın 14-də Bakı-Quba-Dağıstan yolunun Xızı rayonu ərazisindən keçən hissəsində qeydə alınıb.
Belə ki, sürücü, 1973-cü il təvəllüdlü Babayev Səfa Vəzir oğlu idarə etdiyi "Mitsubishi L 200" markalı avtomobillə yolun təmiri bitmiş, lakin istifadəyə verilməmiş hissəsində hərəkətdə olarkən velosipedçi, 1963-cü il təvəllüdlü Əliyev Əlirza Ağarza oğlunu vurub. Nəticədə velosipedçi hadisə yerində dünyasını dəyişib.
Faktla bağlı “yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanılıb.
