Yevlax Rayon Mərkəzi Xəstəxanasının Vərəm şöbəsinin müdiri Bəyaz Cabbarovu qətlə yetirməkdə şübhəli bilinən şəxslərin görüntüləri yayılıb. Bu barədə 12 yanvar tarixində Report məlumat verib.
Həmin şəxslər həkimin qonşularından birinin evinin videomüşahidə kamerasına düşüblər. Məlumata əsasən, hadisəni 3 nəfər törədib, onlardan 2-si həbs olunub, 1-i isə qaçaraq gizlənib.
Onlar qətli törətdikdən sonra əyinlərindəki qanlı paltarları və ayaq geyimlərini ərazidən keçən dəmir yolu xəttinin kənarına atıblar. Şübhəlilərin axtarışları zamanı ilk tapılan dəlil də qana boyanmış geyimlər olub.
Məlumata görə, şübhəlilərdən biri həkimin qonşusudur.
Qeyd edək ki, ötən gün Yevlax Rayon Mərkəzi Xəstəxanasının Vərəm şöbəsinin müdiri, 1958-ci il təvəllüdlü Bəyaz Cabbarovun yaşadığı ünvanda öldürülməsi barədə məlumat yayılmışdır.
Faktla bağlı “qəsdən adam öldürmə” maddəsi ilə cinayət işi başlanılıb.
Cinayəti törətməkdə şübhəli bilinən şəxslər saxlanılaraq istintaqa cəlb ediliblər.
[playlist type="video" tracklist="false" ids="101216"]
