Yevlax, Mingəçevir və Qazaxda dörd nəfər dəm qazından zəhərlənib. Onlardan ikisi vəfat edib. Bu haqda martın 25-də Report və APA xəbər verib.
Yevlaxdakı hadisə Havarlı kəndində qeydə alınıb. 2002-ci il təvəllüdlü qadın yaşadığı evdə dəm qazından zəhərlənib. O, xəstəxanaya yerləşdirilsə də, həyatını xilas etmək mümkün olmayıb.
Digər hadisə Mingəçevirin Havarlı kəndində baş verib. Yeni ailə quran gəlin yaxınları tərəfindən hamam otağında huşsuz vəziyyətdə aşkarlanıb. Hadisə yerinə tibb işçiləri cəlb olunsa da, gənc qadın dünyasını dəyişib.
Həmçinin Qazaxın Birinci Şıxlı və Kosalar kəndlərində də dəm qazından zəhərlənmə faktları qeydə alınıb. Hər iki şəxs xəstəxanaya yerləşdirilib.
Hər dörd faktla bağlı araşdırmalara başlanılıb.
