Yevlax rayonunda həkimi öldürməkdə təqsirləndirilən şəxslər barəsində ibtidai istintaq yekunlaşıb. Bu barədə Report 22 aprel tarixində xəbər verib.
Bu ilin yanvarında Yevlax rayonunda 30 yaşlı Daşqın Xəlilov, 19 yaşlı Fəxrid Allahverdiyev və 18 yaşlı Ramiz Məmmədovun Yevlax Rayon Mərkəzi Xəstəxanasının Vərəm şöbəsinin müdiri Bəyaz Cabbarovun evinə basqın etmələri, kəsici-deşici alətlə çoxsaylı xəsarətlər yetirərək onu öldürmələrinə əsaslı şübhələr müəyyən edilib.
Hər üç şəxsə qarşı Cinayət Məcəlləsinin 120.2.11-ci (qəsdən adam öldürmə, quldurluqla əlaqədar adam öldürmə) maddəsi ilə ittiham irəli sürülüb.
Daşqın Xəlilov, Fəxrid Allahverdiyev və Ramiz Məmmədovun cinayət işinin ibtidai istintaqı yekunlaşıb.
İş baxılması üçün Şəki Ağır Cinayətlər Məhkəməsinə göndərilib və hakim Xaliq Məmmədovun sədrliyi ilə araşdırılacaq.
Məhkəmənin hazırlıq iclası mayın 4-nə təyin olunub.
