Bakı şəhər Baş Polis İdarəsinin Dövlət Yol Polisi İdarəsi bayram münasibətilə sürücülərə müraciət edib. Bu haqda bu gün, 31 dekabr tarixində APA məlumat verib.
İdarənin rəsmisi, polis mayoru Araz Əsgərli bildirib ki, 31 Dekabr - Dünya Azərbaycanlılarının Həmrəyliyi Günü və Yeni il bayramının təhlükəsizlik şəraitində keçirilməsi məqsədilə paytaxtın mərkəzi küçə və prospektlərində, xüsusilə Azneft, Dənizkənarı bulvar – Neftçilər prospekti boyunca kəsişən digər yollarda avtomobillərin intensiv hərəkətini nəzərə alıb şəxsi avtomobillərdən mümkün qədər az istifadə edilməsi, ictimai nəqliyyata üstünlük verilməsi və ən əsası dayanma və durma tələblərinə ciddi şəkildə riayət edilməsi xahiş olunur.
