Azərbaycanlı rəssam Ramina Səadətxan Latviya qalereyası tərəfindən Kiprdə keçirilən Beynəlxalq "VIMA 2026" incəsənət sərgisində fərdi stendlə təmsil olunub və böyük uğura imza atıb. Rəssamın insanın daxili dünyasına, emosional transformasiyalara və intuitiv qavrayışa həsr olunmuş fərdi ekspozisiyası beynəlxalq auditoriya tərəfindən yüksək qiymətləndirilib.
İnsanoid.com xəbər verir ki, Ramina Səadətxanın rəng və forma ilə ifadəli iş üzərində qurulmuş unikal vizual dili sərginin ən çox müzakirə olunan təqdimatlarından birinə çevrilib.
Rəssamın əsərləri sərgi ziyarətçilərinin böyük marağına səbəb olub, tamaşaçı səsverməsinin nəticələrinə əsasən isə Ramina Səadətxan 1-ci yeri tutaraq "Audience Choice" (Tamaşaçı rəğbəti) mükafatına layiq görülüb. "VIMA 2026" çərçivəsində qazanılan bu uğur müasir Azərbaycan incəsənətinin beynəlxalq sənət arenasında tanıdılması istiqamətində mühüm hadisə olub.
