Son 1 həftədə Bakıda keçirilən əməliyyatlar zamanı narkotiklərin qanunsuz dövriyyəsi ilə məşğul olan 17 nəfər saxlanılıb. Bu barədə İnsanoid Daxili İşlər Nazirliyinin (DİN) Mətbuat Xidmətinə istinadən bu gün, 27 aprel tarixində xəbər verir.
Binəqədi Rayon Polis İdarəsinin əməkdaşları tərəfindən saxlanılanların bir neçəsi əvvəllər də eyni cinayətlər etdikləri üçün, yəni narkotiklərin qanunsuz dövriyyəsini təşkil etdiklərinə görə məhkum olunmuş şəxslərdir.
Saxlanılanların üzərindən, yaşadıqları evlərdən külli miqdarda heroin, marixuana və psixotrop maddə olan metamfetamin aşkar edilib.
Saxlanılan şəxslərin bir neçəsinin Binəqədi rayonunda evlərdən və obyektlərdən oğurluq etdikləri də müəyyən edilib.
Onların hər biri barəsində İdarənin İstintaq Şöbəsində cinayət işi başlanılıb.
[caption id="attachment_114002" align="alignnone" width="696"]
Foto DİN[/caption]
