2024-cü ilin I rübündə işğaldan azad edilmiş rayonlarda 292 yeni iş yeri yaradılıb. Bu barədə İnsanoid Dövlət Statistika Komitəsinə istinadən bu gün, 24 may tarixində xəbər verir.
Komitənin hesabatı əsasında apardığı hesablamalara görə, bu göstəricinin həcmi ötən ilin müvafiq dövrü ilə müqayisədə 2.9 dəfə artıb. Belə ki, 2023-ci il I rübündə işğaldan azad edilmiş rayonlarda 101 yeni iş yerləri yaradılıb.
Cari ilin yanvar-mart ayları ərzində ən çox yeni iş yeri Laçın və Cəbrayılda yaradılıb. Belə ki, hesabat dövründə Laçında 152, Cəbrayılda isə 32 yeni iş yeriləri yaradılıb.
Xatırladaq ki, hesabat dövründə azad edilmiş rayonlarda 54 yeni müəssisə və təşkilat yaradılıb.
Aşağıdakı cədvəldə 2023-ci ilin I rübündə və 2024-cü ilin I rübündə yeni yaradılmış iş yerlərinin sayı verilib.
| İşğaldan azad edilmiş rayonlar | 2023-cü il 1-ci rüb | 2024-cü il 1-ci rüb |
| Xocalı | 4 | 2 |
| Qubadlı | 1 | 2 |
| Xocavənd | 15 | 4 |
| Xankəndi | - | 9 |
| Ağdam | - | 15 |
| Füzuli | 9 | 23 |
| Zəngilan | 1 | 24 |
| Şuşa | 18 | 29 |
| Cəbrayıl | 15 | 32 |
| Laçın | 21 | 152 |
| Kəlbəcər | 17 | - |
