Bakıda 2 yaşlı körpəni oğurlamaqda təqsirli bilinən qadına hökm oxunub. Bu haqda məlumatı İnsanoid bu gün, 13 yanvar tarixində Report.az-a istinadən verir.
Bakı Ağır Cinayətlər Məhkəməsinin hakimi Əhməd Quliyevin sədrliyi ilə keçirilən prosesdə Gültəkin Muradovaya hökm oxunub və o, 2 il müddətinə azadlıqdan məhrum edilib.
İttihama görə, hadisə 29 dekabr 2021-ci ildə Sabunçu qəsəbəsində qeydə alınıb. Beyləqan rayon sakini G.Muradova 2 yaşlı Məhəmməd Elgün oğlu Şıxəliyevi oğurlayıb.
8 yanvar 2022-ci ildə Sabunçu Rayon Polis İdarəsi və 12-ci Polis Şöbəsinin əməkdaşları tərəfindən həyata keçirilən intensiv əməliyyat-axtarış tədbiri nəticəsində M.Şıxəliyev tapılıb və G.Muradova həbs edilib.
Onun barəsində Cinayət Məcəlləsinin 144-cü (adam oğurluğu) maddəsi ilə ittiham elan olunub.
Daha sonra 2 yaşlı uşağın atası da istintaqa cəlb edilib.
