2022-ci ilin “Şuşa İli” elan edilməsi ilə bağlı heykəltəraşlıq müsabiqəsi elan olunub. Bu barədə 16 mart tarixində Mədəniyyət Nazirliyi məlumat verib.
Müsabiqənin əsas məqsədi Şuşa şəhərinin zəngin mədəni irsinin təbliği və bu irsi özündə təcəssüm etdirən heykəltəraşlıq abidələrinin qorunmasıdır.
Heykəltəraşlar Şuşanın tarixi, mədəniyyəti və dahi şəxsiyyətlərinə aid heykəltəraşlıq nümunələrini tunc, mərmər və bürünc materialdan hazırlamalıdırlar. Heykəltəraşlıq nümunələrinin minimal 50 santimetr olmaqla 1 metr hündürlüyünədək hazırlanması əsas şərtlərdən biridir.
Birinci yer üçün mükafat 8000 manat, ikinci yer üçün 4000 manat, üçüncü yer üçün isə 3000 manat təşkil edəcək. Həmçinin on nəfərə həvəsləndirici 500 manatlıq mükafat veriləcək.
Müsabiqəyə qatılmaq üçün qeydiyyat formasını doldurmaq və 15 iyun 2022-ci il tarixinədək [email protected] elektron poçt ünvanına “Şuşa şəhərinə həsr olunmuş heykəlin hazırlanması üçün müsabiqə” başlığı ilə göndərmək lazımdır.
