Qafqaz Müsəlmanları İdarəsi Ramazan ayının təqvimini açıqlayıb. Bu barədə İnsanoid 17 yanvar tarixində xəbər verir.
Ramazan ayı martın 11-də başlayacaq. Təqvimə görə, şəvval ayının 1-i, 2-si, yəni aprelin 10-u, 11-i Azərbaycanda Ramazan bayramı qeyd ediləcək.
Qədr (Əhya) gecələrinə gəlincə, bu, martın 28-i, 30-u, aprelin 1-i və 5-nə təsadüf edəcək.
Oruc tutanlar niyyət axşamı nə etməli?
Müqəddəs Ramazan ayının ilk gecəsi – niyyət gecəsidir. Gecənin əvvəlindən sübh azanına qədər istənilən vaxt qəlbdə niyyət etməklə hər bir müsəlman Ramazan ayına başlamış olur. Niyyəti həm hər ayrıca gün üçün, həm də bütün ay üçün etmək olar. Niyyət belə edilir (bütün Ramazan ayı üçün): "Bir ay Ramazan ayının orucunu tuturam, vacib qürbətən iləllah". Belə deyilsə, artıq digər gecələr niyyət edilməsinə ehtiyac yoxdur.
