1994-cü ilin 3 iyulunda Bakı metrosunun “28 May” və “Gənclik” stansiyaları arasında terror aktı baş vermişdir. Həmin terror aktı nəticəsində 13 nəfər həlak olmuş, 40-dan artıq şəxs yaralanmışdır.
Terror aktını törədən şəxs Qarabağda müharibə zamanı ermənilərə əsir düşən və 1994-cü ildə Ermənistanın xüsusi xidmət orqanları tərəfindən əməkdaşlığa cəlb edilən Azər Aslanov olub. O, bu terror aktını həyata keçirmək üçün göstərişi erməni publisist Zori Balayandan alıb. Ermənilər Azərin anasını görüş adı ilə aldadıb gətirməklə Yerevanda girov götürüblər və onu azad etmək üçün Azərə Bakı metrosunda terror aktı törətmək göstərişi veriblər.
Azər Aslanov Moskvada həbs olunaraq, 1997-ci ildə Azərbaycana gətirilmişdir. O, 29 aprel 1998-ci ildə ömürlük həbs cəzasına məhkum edilmişdir.
