Füzuli rayonunda Azərbaycan Minatəmizləmə Agentliyinin (ANAMA) əməkdaşları yol qəzasına düşüblər, 4 nəfər xəsarət alıb. Bu barədə Report 5 iyul tarixində xəbər verib.
Hadisə iyulun 5-də rayonun Kurdmahmudlu kəndi ərazisində qeydə alınıb.
Qəza nəticəsində Agentliyin əməkdaşları: Orxan Məhərrəmov, Ceyhun Hacıyev, Afiq Aslanov və Elnur Əhmədov xəsarət alıblar.
Xəsarət alan şəxslər Füzuli Rayon Mərkəzi Xəstəxanasına yerləşdiriliblər.
"Qəza iş saatından sonra, əməkdaşın şəxsi avtomobili ilə hərəkətdə olduğu zaman baş verib", - məlumatda qeyd edilib.
