Lisey və gimnaziyalara imtahan verən 5 və 7-ci siniflərin nəticələri bəlli olub. Bu barədə İnsanoid Elm və Təhsil Nazirliyinin Mətbuat Xidmətinə istinadən bu gün, 22 iyun tarixində məlumat verir.
Bakı və bölgələrdə yerləşən bir neçə lisey və gimnaziyanın 5 və 7-ci siniflərinə mərkəzləşdirilmiş qaydada keçirilmiş qəbul imtahanlarının nəticələri elan edilib.
Şagirdlər portal üzərindən yaradılmış "Şəxsi kabinet"lərinə daxil olmaqla imtahan nəticələrini öyrənə bilərlər.
Növbəti mərhələdə iştirak hüququ qazanmış şagirdlər 4 iyul saat 16:00-dək lisey və gimnaziyalar arasından seçim etməlidirlər.
Seçimdən sonra şagirdlər imtahan balı və qeyd etdikləri ardıcıllıq əsasında mərkəzi sistem tərəfindən müvafiq lisey və ya gimnaziyaya yerləşdiriləcəklər. Qeyd olunmuş müddət bitdikdən sonra seçim etmək və ya seçimlərdə hər hansı dəyişiklik etmək mümkün deyil.
Qəbul imtahanlarının nəticələri ilə bağlı müraciətlər 25 iyun saat 12:00 tarixinədək [email protected] elektron ünvanı vasitəsilə qəbul edilir.
