Tovuz rayonunda yerli sakin minaya düşərək xəsarət alıb. Bu barədə Report 27 may tarixində xəbər verib.
Hadisə bu gün, saat 08:00 radələrində rayonun Əlibəyli kəndində baş verib.
75 yaşlı kənd sakini Abdulla Ələsgərovun minaya düşməsi barədə Tovuz Rayon Polis Şöbəsinə məlumat daxil olub. Məlumata görə, polis əməkdaşları dərhal hadisə yerinə gələrək A.Ələsgərovu xəstəxanaya çatdırıblar.
Onun sol ayağından xəsarət aldığı bildirilir.
Hazırda xəstəxanada müalicəsi davam etdirilir.
Əvvəllər həmin şəxsə ərazinin minalı sahə olması, həyatı üçün təhlükəli olduğu barədə dəfələrlə xəbərdarlıq olunub.
