Ermənistanın hərbi təxribatlarına qarşı etiraz aksiyası keçirilib. Bu barədə 30 iyun tarixində Report.az xəbər yayıb.
Aksiya Vaşinqtonda təşkil olunub. Soydaşlarımız əllərində Azərbaycan və Türkiyə bayraqları, ingilis dilində şüarlar yazılmış plakatlarla Ermənistanın ABŞ-dəki səfirliyinin önündə toplaşıblar.
Soydaşlarımız "Qarabağ Azərbaycanındır", "Ermənistan əsgəri, Azərbaycan torpaqlarını tərk etməlisən!", "Ermənistan müharibə cinayətkarıdır", "Müharibəyə son" şüarları səsləndirib, qanunsuz erməni silahlı birləşmələrinin Azərbaycan ərazilərindən dərhal çıxarılmasını tələb ediblər.
Həmçinin sülhün bərqərar olmasına əngəllər yaradan Ermənistanın dünya ictimaiyyəti tərəfindən qınanılması tələb olunub.
İki saat davam edən aksiya zamanı yerli polis həmvətənlərimizin təhlükəsizliyini qoruyub.
