ABŞ-nin Azərbaycandakı səfiri Mark Libbi (Mark Libby) Lənkərana səfər edib. Bu barədə İnsanoid bu gün, 15 fevral tarixində xəbər verir.
Diplomatik nümayəndəliyin "X" hesabında bildirilib ki, bu, M.Libbinin Azərbaycanın bölgələrinə ilk səfəridir.
Səfir mübadilə proqramı məzunları, habelə Lənkəran Dövlət Universitetində fəaliyyət göstərən Fulbrayt ingilis dili tədrisi üzrə köməkçi ilə görüşüb.
"Lənkəran çayı ilə bəzədilmiş nahar süfrəsi arxasında qrup öz mübadilə proqramı təcrübələrini və hekayələrini səfir ilə bölüşüb. Bu hekayələr onların xaricdə qazandıqları təcrübənin yerli cəmiyyətə göstərdiyi dərin təsiri nümayiş etdirirdi", -səfirlikdən bildirilib.
